一家

營業中

休息中

筲箕灣有一間米芝蓮必比登推介嘅中菜，主要食上海菜。已經連續三年都比米芝連選出究竟佢有乜嘢出色之處？今晚好早就到咗餐廳，訂咗枱安排坐喺卡位。叫咗個雞絲粉皮、黃魚春卷、西湖牛肉羹、外婆墨魚紅燒肉，流心蛋。最有驚喜係個黃魚春卷同紅燒肉。黃黃語音卷裏便真係塊好大嘅魚肉，去曬骨，超級正。紅燒肉加入墨魚塊一齊燉，豬肉同墨魚味道互相結合，非常之夾。五花肉油而不膩。另外佢哋其實仲有特飲，唔同傳統嘅中式餐廳。滋潤養生茶同埋巨蜂芝士雲茉莉茶都幾好飲，最後食埋甜品，有個高力芒果奶黄出面熱辣辣，入面芒果味嘅奶黃超級好食。估唔到高力豆沙都可以有呢個咁嘅變種。