咖啡空間

營業中

休息中

今日約左朋友係炮台山溫書，不過我地唔想去啲連鎖咖啡店，誤打誤撞之下入左城市花園商場，一樓有一間叫咖啡空間既隱世餐廳，面積幾大，座位闊落舒服，咖啡空間除左餐廳呢個身份外，佢地同時會定期舉辦工作坊、甚至live band。另外亦擺放商品售賣。餐廳下午茶款式幾多，三文治、蛋糕、粉麵、沙律一應俱全。- 桂花慕斯蛋糕🍰呢個組合幾特別，中式桂花糕配搭西式餅底，味道清新同時帶有慕斯香滑口感。層次豐富。- Dirty餐廳名字有咖啡二字，我當然要試吓佢地既咖啡啦！經職員介紹下，我試左餐廳既dirty，濃縮咖啡撞上凍鮮奶，味道超夾，可惜上既時候已經冇左分層，失去左牛奶漂染既視覺享受，但味道搭救！可惜因政府規定，我只可以坐到六點，有點意猶未盡。期待下次直落溫書到夜晚，再試埋佢地既晚餐！