漁匠料理 (已結業)

考左車牌幾年，最近老公整親腳，終於的起心肝練好手車做佢司機。附帶的好處當然就係：我終於可以自己揸住架車四圍去，享受駕駛的樂趣了！友人聚會間提議不如到上水食日本野，貪其平靚正。半小時不到，就到達上水漁匠，餐廳唔近地鐵站，實在有點隱世的味道。好彩友人帶路，又好彩門前竟然有一泊車位。入內見到店主用心經營的成果，頗有日本風，裝修令人舒適自在。點餐當然交由友人負責，先來一點刺身拼盤。十分豐富有睇頭，有齊我鍾意的種類，真知我心。三文魚、油甘魚、帶子、海膽，款款新鮮味鮮甘。而拖羅更加是高質，脂肪足又無筋，入口香濃軟滑。最驚喜的就是三文魚子，大大粒晶瑩剔透的三文魚子睇見已好開心。因為新鮮，粒粒都十分飽滿。入口爆開的瞬間，鮮味湧出充滿整個口腔，屬一大享受。再來是「足兩壽司」，取名十分貼切，真的是斤两十足。四款壽司當中蟹肉最得我心。蟹肉是新鮮蟹肉碎，看來花了大廚不少功夫在原隻蟹中起肉。入口蟹味濃郁，肉質有咬口。刺身壽司過後就是兩款燒物，十分驚喜的是佢地竟然在我地面前燒！仲要係貨真價實的炭燒！蟹蓋放上炭爐後香氣四溢，蟹膏香氣不斷引誘我地。差不多熟之際混入蛋黃以增加口感，十分聰明。果然入口軟滑綿綿，好有層次。