阿叔泰麵 (西菁街) (已結業)

話說上次去泰國無食到船麵，發現元朗有間都幾出名嘅泰國菜，趁住放假就去食下啦餐牌嘅選擇都唔係非常之多，所以今次就叫咗個牛肉船麵同埋蛋炒咖喱蟹肉飯去到泰國餐廳就梗係飲泰式奶茶，依間小店嘅泰式奶茶，都幾有泰國嘅風味，唔錯好快牛肉睡眠就嚟到，首先飲一飲個湯底，非常之清甜，好估唔到嘅係原來佢啲牛腩炆得好淋，仲有都幾多舊下，加上炸豬皮通菜金邊粉同牛肉丸，好食喎！有啲差異，原來小店都可以做得咁好味咁有風味，之後加上枱上面嘅調味料之後就變咗另一個風味嘅船麵啦，如果面底再多少少就完美了！牛腩好林，好好食！另外叫咗個炸蝦餅，非常之彈牙足料，熱辣辣蟹肉咖喱，咖喱嘅味道非常之有層次，係東南亞嘅味道，加上蟹肉同蛋之後好有咬口，簡單啲嚟講好食總括嚟講依間小店值得再次光顧，下次可能試吓青咖喱牛腩，同其他嘢食，因為三樣嘢嘅表現都非常之好，同埋原來佢可以叫foodpanda，咁又多咗個誘因叫嚟食😂