鳥海山鐵板燒 (已搬遷) 新店位置

呢間店位置不太顯眼，不過真係幾抵食！二人鐵板燒餐埋單都係五百幾就食到，而且質素不錯。好在有訂定位，平日晚市去都全場爆滿，不過都遲咗一步，坐不到吧枱位望住廚師煮。.沙律沙律菜好新鮮，還有車厘茄，配上黑醋醬汁，酸酸地幾醒胃。.味噌湯味道好濃，入邊仲有紫菜和豆腐粒粒。.​精選刺身拼盤入面有四款刺身，包括三文魚、八爪魚、深海池魚和真鯛，幾款刺身都好新鮮，食落夠鮮甜。.魷魚筒魷魚筒切成小圈煮，熟度剛剛好，食落口感彈牙，而且用上秘製醬汁，配合炸蒜蓉一起吃，好惹味。.​​廣島蠔有四大粒廣島蠔，粒粒都好飽滿，食落好juicy，加上用了好多香蔥、洋蔥、蒜、煙肉一起煮製，味道和口感都好豐富。.​牛肉薄燒呢個係我至愛！牛肉薄片肉質嫩滑，牛味香濃，入面重包住好多香蔥和炸蒜，真係好惹味。.​炒野菜蔬菜好新鮮，食落爽口，又充滿牛油香。.​炒飯炒飯粒粒分明，軟硬適中，而且仲有好多配料：雞蛋、櫻花蝦、香蔥一起炒，每啖都充滿着餡料和櫻花蝦的香氣。