影片
更多
2025-02-01
1140 瀏覽
今晚同男朋友係觀塘搵左勁耐西餐最後選擇左東廣場既唯一cafe 唔洗等位又坐得舒服 menu多選擇 都幾滿意☺️1. 炸蝦天婦羅配櫻花蝦芥末蛋黃醬個人認為幾香口，炸得幾脆，上碟熱住上菜幾有誠意。炸蝦配沙律醬幾開胃，再加埋上面勁多櫻花蝦碎！下次想試埋佢既其他小食。2. 蟹肉海鮮龍蝦湯龍蝦湯有驚喜 因為有好多海鮮一路熬 而且個麵包都好香 烤得好好，又好煙韌，勁好咬！用黎點龍蝦湯一流，但係個龍蝦湯要趁熱飲，凍咗就唔係太好飲！3. 明太子珍寶鮮帶子意粉意粉超正！勁多明太子同醬，好足料，因為勁好食所以我最後係成碟清，成得勁滿足，所以最後我勁滯😂而且個帶子都好大粒，煎得好香，中意濃味既人必叫！4. 黑松露雜菌意大利飯risotto個味rich，似係外國risotto style，因為啲意大利飯係偏硬身，唔似平時港式勁淋，所以幾正宗！飲品：1. 開心果特濃朱古力奶昔：份量岩岩好，淡淡既開心果味，朱古力好濃厚，上面仲有cream 成件事好滿足☺️2. 曲奇奶昔：唔會太漏，唔會太甜，好飲！如果可以再多啲就好啦！去開觀塘工廠區想食高質cafe既不二之選，下次我會再泥食！🤤
今晚同男朋友係觀塘搵左勁耐西餐
最後選擇左東廣場既唯一cafe 唔洗等位又坐得舒服 menu多選擇 都幾滿意☺️
1. 炸蝦天婦羅配櫻花蝦芥末蛋黃醬
個人認為幾香口，炸得幾脆，上碟熱住上菜幾有誠意。炸蝦配沙律醬幾開胃，再加埋上面勁多櫻花蝦碎！下次想試埋佢既其他小食。
2. 蟹肉海鮮龍蝦湯
龍蝦湯有驚喜 因為有好多海鮮一路熬 而且個麵包都好香 烤得好好，又好煙韌，勁好咬！用黎點龍蝦湯一流，但係個龍蝦湯要趁熱飲，凍咗就唔係太好飲！
3. 明太子珍寶鮮帶子意粉
意粉超正！勁多明太子同醬，好足料，因為勁好食所以我最後係成碟清，成得勁滿足，所以最後我勁滯😂而且個帶子都好大粒，煎得好香，中意濃味既人必叫！
4. 黑松露雜菌意大利飯
risotto個味rich，似係外國risotto style，因為啲意大利飯係偏硬身，唔似平時港式勁淋，所以幾正宗！
飲品：
1. 開心果特濃朱古力奶昔：份量岩岩好，淡淡既開心果味，朱古力好濃厚，上面仲有cream 成件事好滿足☺️
2. 曲奇奶昔：唔會太漏，唔會太甜，好飲！如果可以再多啲就好啦！
去開觀塘工廠區想食高質cafe既不二之選，下次我會再泥食！🤤
張貼
