麵麵俱到

穿過元朗市中心橫街窄巷，終於搵到呢間小店！裝修好日式。

招牌咖哩吉列豬扒飯一上枱就聞到濃郁香氣，豬扒炸得金黃酥脆，咬落「咔嚓」聲，肉汁鎖得正好，配甜辣日式咖哩撈飯，邪惡到極點！套餐加支波子汽水，童年回憶即刻返晒嚟～

唐揚炸雞絕對係驚喜，外皮薄脆，雞肉醃得入味又多汁，點埋蛋黃醬食到停唔到口。

另一主打醬油慢煮豬軟骨烏冬，豬骨湯底濃到黏嘴唇，豬軟骨腍到幾乎融化，加上脆脆豬皮增加口感，層次爆燈！

小食家人想食燒汁雞皮餃子，雞皮代替餃子皮炸到脆卜卜，內餡爆汁，蘸燒汁食鹹香惹味。

呢間隱世小店，價錢親民，味道卻有驚喜，絕對係街坊胃嘅至尊寶藏！