Sora Cafe

營業中

休息中

去元朗想chill chill地渡過假日午餐，就去咗呢間比較隱蔽應該比較少人知道嘅cafe. 舖頭面積好細，可能只係可以容納到四組客人，而且去到嘅時候入邊嘅客人全部都係好靜，亦都有食完睇緊書既客人，令我同朋友傾偈都唔敢大聲。店舖應該係有一對年輕夫婦經營，由於只有兩人，即叫即做所以都等咗一段時間。小店應該主打係咖啡，果然有濃厚嘅咖啡香味。另外叫咗全日早餐，而朋友就叫咗一個是日推介嘅意粉，全日早餐份量就唔算多，整體感覺都比較淡，而且仲有四片好乾而且比較淡嘅麵包，可能就比較健康啦！值得一讚嘅係大啡菇都整得幾香。另外朋友叫嘅三文魚意粉就話煙三文魚比較咸整體來講食物質素未算係太好食，但係如果想搵個地方正整地過一個放假嘅午餐，呢度都係一個唔錯嘅選擇！