木屋小食店 (已結業)

我地今次想介紹一間小小拉麵店，真心大推大家可以試下，雖然比較遠😂。千其唔好睇少呢間小店，貪錢係非常值，佢既CP值係超級高。佢既表面好似平平無奇，味道一d都唔輸比出面既拉麵店，甚至可能超越左一d連鎖拉麵店🙈。💁🏼‍♀️人均$50-100不等整體食物評價：★ ★ ★ ★ ★ 整體食物都係超哂班，係不論湯底還是撈麵都好好食，即使係小食玉子燒都係非常好食。服務態度：★ ★ ★ ★ ★老闆既態度都好nice,好健談😆。環境氣氛：★ ★ ☆ ☆ ☆ 至於環境會比較舊，就因為係小店，未必好似出面既餐廳坐得咁舒服。🥯食物方面慢煮叉燒拉麵湯底係可以飲既湯，唔係果種味精湯。佢有味得黎，又唔會好咸😍拉麵食落都係有咬口，份量都好大碗🤤。慢煮叉燒油麵因為我地太晏去，得番叉燒拉麵🥲。咁我地揀少少唔同，撈麵都好有味。玉子燒佢個玉子燒都好大舊，即使係小食都feel到老闆對食物既認真😌。一黎到就有好香既灸燒香味，係真係熱到辣口，食落既味道都好香，真係玉子燒既味道🥹！係好少係出面食到咁好食，通常都係暖暖地😋。