更多
2019-08-07
1481 瀏覽
好耐冇嚟過旺角啦!呢個咁青春嘅地方, 今日就約咗朋友食晚飯。餐廳位置比較隱蔽,我同朋友去咗先達廣場,沿着扶手電梯上3樓之後再轉升降機到4樓,有啲轉折。其實唔使咁麻煩架!離開嘅時候發現,只要直接去先施大廈,搭升降機就可以去4樓,一出lift 門就係啦。今日遲咗出嚟,到達餐廳都已經八點,好肚餓呀!先叫個前菜頂住個肚先。叫咗水牛雞翼,賣相唔錯,四隻雞翼隔離仲有少少沙律拌碟。一食落去,水牛雞翼係帶着微酸嘅醬汁,熱辣辣都唔錯。跟住落嚟就係主菜啦,我要左三文魚蟹子扁意粉,朋友就叫咗青醬帶子意粉。青醬即係pesto, 鹹鹹地好好味。帶子唔會太硬,這一點值得一讚。我嘅三文魚意粉呢,撈埋蟹子好好味,另外睇得出廚師嘅心思,意粉上面其實有細細粒嘅翠玉瓜,增加口感,唔錯!嘢飲我就叫咗菊花杞子茶,店員好細心咁主動俾兩個杯仔我哋一齊分,雖然茶其實就冇咩味...朋友叫咗凍檸茶,味道正常。另外,餐廳環境方面,行嘅係簡約台式Cafe路線,好寬敞,白色嘅牆身配襯住大葉嘅綠色植物,感覺好舒服。頭頂嘅風扇慢慢轉,涼風緩緩吹過,有一刻真係以為自己去咗台灣啊。估唔到繁囂嘅旺角有一間咁舒適恬靜嘅餐廳,下次都會考慮同朋友嚟,可以慢慢
餐廳位置比較隱蔽,我同朋友去咗先達廣場,沿着扶手電梯上3樓之後再轉升降機到4樓,有啲轉折。其實唔使咁麻煩架!離開嘅時候發現,只要直接去先施大廈,搭升降機就可以去4樓,一出lift 門就係啦。
今日遲咗出嚟,到達餐廳都已經八點,好肚餓呀!先叫個前菜頂住個肚先。
叫咗水牛雞翼,賣相唔錯,四隻雞翼隔離仲有少少沙律拌碟。一食落去,水牛雞翼係帶着微酸嘅醬汁,熱辣辣都唔錯。
跟住落嚟就係主菜啦,我要左三文魚蟹子扁意粉,朋友就叫咗青醬帶子意粉。青醬即係pesto, 鹹鹹地好好味。帶子唔會太硬,這一點值得一讚。
青醬帶子意粉
42 瀏覽
0 讚好
0 留言
我嘅三文魚意粉呢,撈埋蟹子好好味,另外睇得出廚師嘅心思,意粉上面其實有細細粒嘅翠玉瓜,增加口感,唔錯!
三文魚蟹子扁意粉
23 瀏覽
0 讚好
0 留言
嘢飲我就叫咗菊花杞子茶,店員好細心咁主動俾兩個杯仔我哋一齊分,雖然茶其實就冇咩味...朋友叫咗凍檸茶,味道正常。
另外,餐廳環境方面,行嘅係簡約台式Cafe路線,好寬敞,白色嘅牆身配襯住大葉嘅綠色植物,感覺好舒服。頭頂嘅風扇慢慢轉,涼風緩緩吹過,有一刻真係以為自己去咗台灣啊。
估唔到繁囂嘅旺角有一間咁舒適恬靜嘅餐廳,下次都會考慮同朋友嚟,可以慢慢坐,慢慢傾計。
張貼