黑布小巷

營業中

休息中

呢晚嚟到登打士廣場附近，喺長長嘅小巷入面發現咗間隱世小店。餐廳主打食台灣嘢，包括麵食吐司及蛋餅。秘製紅燒牛肉麵（$68）- 牛肉好淋好入味，麵條質感有少少似烏冬，煙靱彈，味道唔錯。慢烤雞腿芝士蛋吐司（$56）- 雞肉軟滑，醃得非常入味，夾埋芝士及蛋，口味豐富，呢個吐司我比好高分。芝士火腿肉鬆蛋餅（$49）- 呢個係必食推介，蛋餅外脆帶蕉香，入面有芝士火腿同肉鬆，做到拉絲效果，十分之惹味。跟餐加$12點咗山茶花烏龍茶及茉莉花茶各一杯，口味清新，唔會太甜，感覺健康。原本勁想試下新出嘅甜品- 冰火湯圓，可惜已經售罄，於是乎買咗手工杏仁酥（$62）做甜品。杏仁味香濃，入口鬆脆。