影片
更多
2025-04-28
0 瀏覽
前排同朋友話想搵個特別d既地方慶祝生日，無意間聽人講起「悅知味中泰越風味融合菜」，話係一間隱世餐廳，主打中泰越風味既fusion菜。聽落好吸引，而且地方寬敞，樓底高，空間感極大，覺得好岩一班人聚會，於是就book左位試下，點知真係比我驚喜到！.首先要講佢地既招牌泰式炒金邊粉（$118），真係好有泰式風味！擺盤好靚，滿滿泰國街頭feel。金邊粉入面有好多芽菜、豆腐乾、蛋花同韭菜，口感層次好豐富。頂層仲放左幾粒大蝦球，灑上乾蝦，旁邊有乾辣椒碎、花生碎同青檸做拌碟，自己調味好過癮。食落酸酸辣辣，開胃得黎又滿足，份量都夠大，兩個人share都岩岩好。值得一提既係星期一至五惠顧招牌粉麵飯類仲送一杯冷/熱飲品添❤️.另一道試左既係泰式乾炒河（雞）（$118），炒得乾身，河粉好香口，食到好有鑊氣！雞肉嫩滑，調味岩岩好，吾會過鹹。如果吾中意食雞，仲可以揀牛肉或豬肉添，覺得幾貼心，下次黎想試下牛肉版睇下有咩吾同。呢道菜真係簡單但好滋味.小食方面試左泰式炸蝦片（$38），酥脆得黎吾會太油，蝦味好濃，食落好香。份量都幾多，幾個人一齊食岩岩好，當開胃小吃真係吾錯.香茅燒雞中翼（$48）都係我好中意既一碟，雞翼燒
前排同朋友話想搵個特別d既地方慶祝生日，無意間聽人講起「悅知味中泰越風味融合菜」，話係一間隱世餐廳，主打中泰越風味既fusion菜。聽落好吸引，而且地方寬敞，樓底高，空間感極大，覺得好岩一班人聚會，於是就book左位試下，點知真係比我驚喜到！
.
首先要講佢地既招牌泰式炒金邊粉（$118），真係好有泰式風味！擺盤好靚，滿滿泰國街頭feel。金邊粉入面有好多芽菜、豆腐乾、蛋花同韭菜，口感層次好豐富。頂層仲放左幾粒大蝦球，灑上乾蝦，旁邊有乾辣椒碎、花生碎同青檸做拌碟，自己調味好過癮。食落酸酸辣辣，開胃得黎又滿足，份量都夠大，兩個人share都岩岩好。值得一提既係星期一至五惠顧招牌粉麵飯類仲送一杯冷/熱飲品添❤️
.
另一道試左既係泰式乾炒河（雞）（$118），炒得乾身，河粉好香口，食到好有鑊氣！雞肉嫩滑，調味岩岩好，吾會過鹹。如果吾中意食雞，仲可以揀牛肉或豬肉添，覺得幾貼心，下次黎想試下牛肉版睇下有咩吾同。呢道菜真係簡單但好滋味
.
小食方面試左泰式炸蝦片（$38），酥脆得黎吾會太油，蝦味好濃，食落好香。份量都幾多，幾個人一齊食岩岩好，當開胃小吃真係吾錯
.
香茅燒雞中翼（$48）都係我好中意既一碟，雞翼燒得好香，香茅味突出但吾會搶左雞肉本身既鮮味。外皮脆脆，內裏juicy，食落好有滿足感。
.
最後仲送左一碟超級吸睛既雲石斑斕糕，顏色同圖案靚到即刻拎手機影相！食落吾會好甜，凍凍地好冰涼，口感軟滑，食完覺得好清爽，岩晒做甜品完結呢餐豐富既晚飯
張貼
