影片
更多
2019-02-21
33 瀏覽
餐廳喺佐敦區嘅食街之一偉晴街，細細個有同學住呢頭，放學經常上佢屋企打機，今日嚟到感覺變化不大，不過就多咗好多特色餐廳，茶仔火鍋店就一定，連印度尼泊爾菜都有。今日去食嘅係一間隱「秘」日式料理。餐廳門面唔算大，但就有兩大個「秘」字好顯眼—低調得嚟帶點高調，好矛盾，哈哈。入面裝潢就幾簡潔，米白牆身只掛住幾幅日本風嘅掛畫。【秘燒黑松露吉列牛$148】呢度嘅主打菜式係吉列牛，都有幾款選擇，見黑松露幾特別就試吓。吉列牛切成一片片，厚薄適中，容易燒得嚟又保持到口感。吉列牛放上日式迷你烤爐，滋滋聲襯托吓油脂開始流出，香味撲鼻，燒一陣已經食得。外圍嘅吉列好鬆脆，黑松露份量啱啱好冇搶走肉味，肉本身就味濃多汁。加$20就有秘之飯素、楓糖流心蛋。流心蛋係一大隻。飯素係紫菜碎、芝麻、甜醬油、魚鬆，撈飯食係甜醬油味道，唔駛白飯咁齋，同燒好嘅靚肉一齊食，味道更豐富。【芝士吉列豚肉$78】吉列豚肉熱辣辣，外皮極鬆脆，肉質就軟腍嫩滑，肥瘦適中。最特別係蘸汁係芝士汁唔係沙律醬，食得更滋味。吉列豚肉每塊都厚切，加埋飯素同流心蛋都只係$98，食到飽飽，性價比高。呢度食物質素非常不錯，而且價錢比同類店便宜，係絕對值得支持嘅小店
餐廳門面唔算大，但就有兩大個「秘」字好顯眼—低調得嚟帶點高調，好矛盾，哈哈。入面裝潢就幾簡潔，米白牆身只掛住幾幅日本風嘅掛畫。
【秘燒黑松露吉列牛$148】呢度嘅主打菜式係吉列牛，都有幾款選擇，見黑松露幾特別就試吓。吉列牛切成一片片，厚薄適中，容易燒得嚟又保持到口感。吉列牛放上日式迷你烤爐，滋滋聲襯托吓油脂開始流出，香味撲鼻，燒一陣已經食得。
外圍嘅吉列好鬆脆，黑松露份量啱啱好冇搶走肉味，肉本身就味濃多汁。加$20就有秘之飯素、楓糖流心蛋。流心蛋係一大隻。飯素係紫菜碎、芝麻、甜醬油、魚鬆，撈飯食係甜醬油味道，唔駛白飯咁齋，同燒好嘅靚肉一齊食，味道更豐富。
【芝士吉列豚肉$78】
吉列豚肉熱辣辣，外皮極鬆脆，肉質就軟腍嫩滑，肥瘦適中。最特別係蘸汁係芝士汁唔係沙律醬，食得更滋味。吉列豚肉每塊都厚切，加埋飯素同流心蛋都只係$98，食到飽飽，性價比高。
呢度食物質素非常不錯，而且價錢比同類店便宜，係絕對值得支持嘅小店，下次再去佐敦一定要再食～
張貼
