韓樂 (啟田商場)

營業中

休息中

經過藍田食下午茶，無意間發現呢度有間食韓國菜嘅餐廳，裝修唔係好韓國style，但算係餐牌上面有啲韓國風味嘅菜式。當然感覺上都唔覺得係好正宗嘅韓國菜，但係個口癮都可以。我哋點左個魔鬼芝士，一口炸雞，同埋韓式泡菜豚肉pizza。魔鬼芝士醬，芝士味唔太濃郁，反而件炸雞其實淨食都幾好味。整體來講同喺韓國餐廳食嘅炸雞嘅感覺比較差得遠，當普通炸雞食則可。至於泡菜pizza則有驚喜，泡菜同埋腩肉都幾豐富，加埋蕃茄醬，味道有層次，呢個價錢性價比高。結論，如果突然間想食韓國菜嘅都不妨一試，不過唔好同正宗韓國餐廳有比較。