影片
更多
2021-05-15
9679 瀏覽
以前係機場返工，偶爾都會落東涌行街購物兼食飯，真係見證著東涌日漸興旺，人流日多。雖說疫情下市道差，但依然有酒店落成，而東涌就有「香港東涌世茂喜來登酒店」。從東涌地鐵站信步而行，大約20分鐘腳程。可能隣近機場，附近有不少機師空姐客，所以酒店戶外中庭位，有不少外籍客人在聊天喝啤酒。就趁著天朗氣清的星期天，跟朋友來個 Sunday Brunch （成人$688/位，小童$348/位）。或者好多人認為以咁既價位，應該好多野食，但我想講一句，如果樣樣食物都係唔值租，好似深圳好多標榜兩三百款食物，但九成幾係下價貨，相信閣下都無興趣吧？Sunset Grill只在星期天提供 Sunday Brunch，地方寛敞闊落，兩邊落地玻璃，仲有超級遼闊遠景，室外可以盡情享受陽光與新鮮空氣放題，偶爾有飛機經過做點綴，絕對是一個賣點。未講Main Course有幾吸引，先講佢既海鮮吧！ICE BAR即開生蠔可以食到最後都有得供應既Fine de Claire，仲要係 No.3 size，每次開一盤，保證新鮮衛生，蠔味濃郁及Creamy，帶海水味令味道更鮮，消滅半打毫無難度。波士頓龍蝦另一重點當然係龍蝦，半開凍食，
以前係機場返工，偶爾都會落東涌行街購物兼食飯，真係見證著東涌日漸興旺，人流日多。雖說疫情下市道差，但依然有酒店落成，而東涌就有「香港東涌世茂喜來登酒店」。
從東涌地鐵站信步而行，大約20分鐘腳程。可能隣近機場，附近有不少機師空姐客，所以酒店戶外中庭位，有不少外籍客人在聊天喝啤酒。
就趁著天朗氣清的星期天，跟朋友來個 Sunday Brunch （成人$688/位，小童$348/位）。
或者好多人認為以咁既價位，應該好多野食，但我想講一句，如果樣樣食物都係唔值租，好似深圳好多標榜兩三百款食物，但九成幾係下價貨，相信閣下都無興趣吧？
Sunset Grill只在星期天提供 Sunday Brunch，地方寛敞闊落，兩邊落地玻璃，仲有超級遼闊遠景，室外可以盡情享受陽光與新鮮空氣放題，偶爾有飛機經過做點綴，絕對是一個賣點。
未講Main Course有幾吸引，先講佢既海鮮吧！
ICE BAR
即開生蠔
可以食到最後都有得供應既Fine de Claire，仲要係 No.3 size，每次開一盤，保證新鮮衛生，蠔味濃郁及Creamy，帶海水味令味道更鮮，消滅半打毫無難度。
波士頓龍蝦另一重點當然係龍蝦，半開凍食，肉質爽口彈牙，又有豐腴的龍蝦膏，必食。
龍蝦鉗而懶人想啖啖肉，又有龍蝦鉗。
仲有鮮甜肉厚的加拿大蟹腳、大大隻又爽口的虎蝦 同埋少見的北寄貝，單是海鮮陣容，已經是回本位。
MAINS (SMALL PLATES)
幾個主菜各有特色，當中最令自己心動，就一定係Steak & Eggs, Dry-Aged 44 Farm Striploin Eggs, Parsley & Shallot Salad，實在超正，奉勸大家要留肚，本身肉味已經夠濃郁，每次都是現場用上備長炭及普通炭即烤，略帶焦香更是吸引，試想下，單點一塊要幾錢？何況 Sunday Brunch 是任食？
Home-made Impossible Beef Sausage, Cannellini Beans, Mushroom Fricassee, Egg (v)其實好有All Day Breakfast氛圍，Beef Sausage味道濃郁，煎得微焦令香氣更盛，尤其是沾上蛋漿一齊食，真是人間美味。
Crab Benedict, Hand-Picked Canadian Crab Leg, PoachedEgg., Grapefruit Hollandaise
輕輕剖開半熟溜心蛋，蛋漿徐徐流出，下邊是甜美的加拿大蟹腳肉，與及帶果香的荷蘭汁，口感豐腴卻又不會覺得膩，很久沒吃過如此具水準的Benedict了。
Char-Grilled Prawn, Piri-Piri Sauce碩大的海蝦，烤得蝦殼脆卜卜，根本可以連殼食，用來配啤酒又是一流，加上微辣的Piri-Piri Sauce，刺激了味蕾，感覺更加惹味。
ANTIPASTI COUNTER
自製煙熏蘋果木鮭魚
Balik Cut' Home-Smoked Applewood Salmon
豐富的煙熏香氣，三文魚又滿有油香，肉質肥美。
100天穀物餵飼牛肉薄片
100 Day Grain Fed Beef Carpaccio
肉質呈嫣紅色，質地幼嫩，配士巴馬芝士及火箭菜，口感清新豐腴。
牛肉他他Signature Steak Tartare
開胃菜中最受歡迎的菜色之一，牛肉質地嫩滑，放在香脆的多士上一齊食，兩種截然不同口感交雜，好正。
再加上 Mushroom Bruschetta、Foie Gras Torchon、（橄欖油水煮金槍魚）Olive Oil Poached Tuna Niçoise、Grilled Octopus, Pico de Gallo、Cheese & Charcuterie 與及 Heritage Tomato Salad，用料是看得出的新鮮，而且refill的速度亦見快手。DESSERT
甜品同樣是貴精不貴多，有Bailey's Cheese Cake 、 Strawberry Mille Feuille 、 Cinnamon Rolls、Passion Fruit Tart 、 Tiramisu 與及Raspberry Mousse。
喜歡飲兩杯的朋友亦可以加錢$388/位，free flow 兩小時，可以任飲 Veuve Cliquot Champagne，House Wine，White Wine，Beer，Soft Drinks 及果汁。
當然，亦有專業的調酒師，推著手推車來到眼前，加錢來一杯風味獨特，加入了 「Shrimp Vodka」的「Bloody Mary」。雖然今次是Sunday Brunch，但可不要忘記餐廳叫 Sunset ，相信能跟另一半欣賞日落餘暉，又是一個浪漫靚絕的好地方。
說起來6月又是「父親節」的大日子，不妨考慮帶父親來Sunset Grill，享受一頓高質素的Sunday Brunch，「母親節」固然重要，但可不要忽略每天辛勞工作的父親啊！
張貼
