影片
更多
2025-04-29
0 瀏覽
最近喺元朗YOHO Mix對面發現咗間新開嘅文青Cafe「Days in the Sun」，門面白淨淨配木系裝修，仲有啲花草木椅等佈置，一入去就覺得好chill，即刻同朋友打卡！係單車徑附近踩車經過入去食個飯都一流！貪心嘅我哋揀咗「Lunch餃子Set」（$98），一次過試勻三鮮豬肉餃同粟米豬肉餃兩款口味。餃子皮薄得嚟煙韌，三鮮餡有齊鮮蝦、韭黃同豬肉，咬落鮮甜爆汁；粟米豬肉就清甜爽口，啱晒怕膩嘅朋友。跟餐嘅沙律揀咗日式芝麻汁，芝麻香濃得嚟帶微酸，清新開胃！叫咗兩杯「Red Velvet Chocolate」（原價52/杯，跟餐減15超抵！），賣相靚到唔捨得飲～ 面頭鋪滿紅絲絨碎，朱古力味濃郁得嚟帶微微鹹香，飲落順喉唔死甜，大推！全日早餐（$128）絕對係誠意之作！黑松露炒蛋香滑到癲，煙三文魚捲成玫瑰花超IGable～ 仲有大啡菇、脆皮腸同焦糖香蕉班戟，沙律轉咗意大利香醋汁，酸咪咪中和返油膩感。最驚喜係班戟軟綿綿，配埋焦糖香蕉真係邪惡但好幸福😋加咗件香蕉蛋糕（$35）做甜品，香蕉味天然唔假甜，細細件啱啱好。埋單$335唔使加一，喺西鐵站行過嚟幾分鐘就到。呢度食物高質又抵食，店員仲好nic
貪心嘅我哋揀咗「Lunch餃子Set」（$98），一次過試勻三鮮豬肉餃同粟米豬肉餃兩款口味。餃子皮薄得嚟煙韌，三鮮餡有齊鮮蝦、韭黃同豬肉，咬落鮮甜爆汁；粟米豬肉就清甜爽口，啱晒怕膩嘅朋友。跟餐嘅沙律揀咗日式芝麻汁，芝麻香濃得嚟帶微酸，清新開胃！
叫咗兩杯「Red Velvet Chocolate」（原價52/杯，跟餐減15超抵！），賣相靚到唔捨得飲～ 面頭鋪滿紅絲絨碎，朱古力味濃郁得嚟帶微微鹹香，飲落順喉唔死甜，大推！
全日早餐（$128）絕對係誠意之作！黑松露炒蛋香滑到癲，煙三文魚捲成玫瑰花超IGable～ 仲有大啡菇、脆皮腸同焦糖香蕉班戟，沙律轉咗意大利香醋汁，酸咪咪中和返油膩感。最驚喜係班戟軟綿綿，配埋焦糖香蕉真係邪惡但好幸福😋
加咗件香蕉蛋糕（$35）做甜品，香蕉味天然唔假甜，細細件啱啱好。
埋單$335唔使加一，喺西鐵站行過嚟幾分鐘就到。呢度食物高質又抵食，店員仲好nice唔會趕人走，下次一定要再嚟試埋其他手工餃子口味！ 🌿✨
張貼
