郭仔記粥麵專家

營業中

休息中

今日黎到大埔，因為未食lunch ，所以去到一間叫郭仔記粥麵專家食野，本身見佢個名以為食粥為主既粥舖，但入到去見十個十個都係叫車仔麵，好似車仔麵先係主打， 既然係咁我哋梗係都叫番個車仔麵食啦。我哋屋企食親車仔麵都係食河粉，所以河粉就係個膽嚟㗎喇，其他車仔餸，種類都好多，樣又好似好好食咁， 眼花繚亂都唔知食邊隻好 ，最尾其實我都係不停咁睇其他食客既車仔麵，睇下咩餸多人要，有啲咩好食我就簡嗰樣。最尾點左豬腸豬皮牛柏業河粉，另外仲點左豬腸粉，燒賣同魚蛋，飲品就要左紅豆冰，咁熱天氣岩晒喇。車仔麵真係有水準，每樣都好味，豬皮係咖喱豬皮，辣辣地好開胃。至於腸粉就唔算特別驚喜，因為最驚喜係陳皮魚蛋呀，喂依家想食陳皮魚蛋真係要揾架，唔係度度有。