影片
更多
2021-11-07
562 瀏覽
突然想食炸雞，諗起呢一間連鎖炸雞店，次次經過都有人等緊位，心諗應該唔會差得去邊，點知中咗伏。芝味滋味套餐 二人 $408王牌炸雞（半份)口味可以自己揀，我哋揀咗韓式甜辣炸雞，雞件無骨，炸得都幾香口，有肉汁，甜甜地，唔算好辣，半份大概有九件左右，都幾好食。Nene 芝士火鍋一上枱好大陣蘇味，完全唔係平時芝士火鍋嘅香味，個氣味一啲都引唔起食慾。芝士鍋食落非常淡芝士味，唔好食。迷你蛋卷 明太子味個面有茄汁同蟹籽，包住洋蔥粒、芝士同埋明太子。切開之後啲芝士湧出嚟，睇落好似幾好味咁。食咗一啖，勁腥臭🤮🤮我再鼓起勇氣食多啖，發覺啲腥臭味係來自啲蟹籽，啲蟹籽疑似變壞左，所以就唔敢再食。順帶一提，佢把刀就咁擺埋係蛋卷隔離，成把刀都揩到茄汁同蟹籽，個蛋卷係要自己切嘅，咁即係一定要用嗰把刀啦，要拎起把刀一定會搞到隻手污糟，我覺得其實把刀可以分開上。芝士炒年糕伴拉麵好鹹，完。Jeju Island Beach 色彩繽紛有層次，味道似雜果賓治。Lychee Blue Butterfly 紫色好靚，味道係荔枝梳打，正正常常。食物除咗炸雞之外真係唔好食。啲員工大部份都神不守舍，叫極都冇反應，直行直過。一句講晒，不
芝味滋味套餐 二人 $408
王牌炸雞（半份)
口味可以自己揀，我哋揀咗韓式甜辣炸雞，雞件無骨，炸得都幾香口，有肉汁，甜甜地，唔算好辣，半份大概有九件左右，都幾好食。
Nene 芝士火鍋
一上枱好大陣蘇味，完全唔係平時芝士火鍋嘅香味，個氣味一啲都引唔起食慾。芝士鍋食落非常淡芝士味，唔好食。
迷你蛋卷 明太子味
個面有茄汁同蟹籽，包住洋蔥粒、芝士同埋明太子。切開之後啲芝士湧出嚟，睇落好似幾好味咁。食咗一啖，勁腥臭🤮🤮我再鼓起勇氣食多啖，發覺啲腥臭味係來自啲蟹籽，啲蟹籽疑似變壞左，所以就唔敢再食。順帶一提，佢把刀就咁擺埋係蛋卷隔離，成把刀都揩到茄汁同蟹籽，個蛋卷係要自己切嘅，咁即係一定要用嗰把刀啦，要拎起把刀一定會搞到隻手污糟，我覺得其實把刀可以分開上。
芝士炒年糕伴拉麵
好鹹，完。
Jeju Island Beach
色彩繽紛有層次，味道似雜果賓治。
Lychee Blue Butterfly
紫色好靚，味道係荔枝梳打，正正常常。
食物除咗炸雞之外真係唔好食。
啲員工大部份都神不守舍，叫極都冇反應，直行直過。
一句講晒，不推介。
張貼
