上海小籠皇

營業中

休息中

由於位置相對較偏，所以午市都唔洗等太耐。回鍋肉好快到，佢冇出面其他鋪頭咁咸，唔辣，豬肉好大塊，但食落去有根。炸銀絲卷外表唔錯，但撕開一半時，即刻由期待變失望，沒有一層層一絲絲既手工，普通野。只可以讚佢唔油。排骨擔擔麵湯底好香既花生味，睇落好濃，但入口與睇落去既感覺剛剛相反。排骨炸得okay，唔會好油。啲麵係幼麵，係我喜歡既麵質。整體滿意既。嫩雞煨麵好味！覺得好食過「某間婆婆」既同款食物。涼拌茄子前菜變飯後菜，上得有啲慢，普通野。