一早預定左每日限量既菜膽鮮魚湯做湯底
奶白色湯底 飲落去好鮮甜 魚味好出
入面仲有大量豆腐索晒湯汁
未打邊爐已經飲咗兩碗
刺身方面都認真高質
· 特瀛刺身：帶子又厚又甜 北極貝爽口
· 加拿大象拔蚌：爽脆鮮味 食落個口「索索」聲
· 原條海石蚌刺身：刀工好 片片透光 非常鮮味
必食推薦：
· 椒鹽石蚌頭尾
個魚頭同魚尾拎去椒鹽炸 香口到停唔到口
· 鬼馬鴛鴦膠（油炸鬼釀蝦膠/墨魚膠）
呢個超好食 油炸鬼脆口
裡面嘅蝦膠同墨魚膠又彈牙
· 箱降肥牛肉
碟牛一睇個油花就知靚 淥兩淥就食得 牛味香濃
· 鮮蝦雲吞拼韭菜餃
兩樣都足料 雲吞大大隻蝦 韭菜餃韭菜香噴噴
飲品都唔馬虎：
· 自家製洛神花茶：酸酸甜甜 打邊爐飲可以解膩
· 手打蜂蜜綠茶：蜂蜜落得足 唔會太甜
· 咸檸七：經典！夠氣又解渴 打邊爐必備
今餐真係大滿足！
個魚湯底真心推薦 海鮮肉類全部新鮮
而且仲有個兒童玩耍區
咁大人就可以一邊食 小朋友係一邊玩
樓上仲有幾問私人包廂 聚會岩晒👍🏻
1
