金鶴拉麵 (利民大廈)

營業中

休息中

之前都食過一次其他分店，今次第一次去旺角分店，俾而家做緊嘅龍蝦湯限定拉麵吸引咗！🦞【伊勢海老ラーメン 極濃龍蝦湯拉麵】$138配一隻龍蝦尾 $198揀咗加龍蝦尾，龍蝦尾一開二，肉質彈牙，浸埋龍蝦湯底一齊食，餐廳仲附有鉸剪，方便剪開嚟食，不過就有啲黐殼。龍蝦湯頭飲第一啖，已經感受到濃濃嘅鮮味，唔會覺得過鹹。溏心蛋煮得剛剛好，再加上一塊慢煮叉燒，利用低溫、長時間嘅烹煮方式慢慢燜煮，變得更加軟嫩多汁。【極濃雞白湯拉麵】$138呢款招牌拉麵之前都有試過，雞白湯打成泡，加上炸牛蒡、三塊慢煮雞胸肉、慢煮叉燒，係香港數一數二好食嘅雞白湯湯底拉麵！注意：除咗堂食之餘都有外賣自取，另有加一收費