點煲 (新港城中心(4期)) (已結業)

天寒地凍，掌心凍冰冰，又凍又肚餓；路過新港城中心間《點煲》，個柴爐火紅咁煲緊煲仔飯，吾理佢係咪得個樣，見有位即刻衝入去叫個煲仔先！點左二人餐，有湯有點心併盤有小菜（揀左牛腩煲）有煲仔飯（揀左爉腸鷄煲飯）都係二百幾蚊！點心拼盤造型可愛，燒賣奶王包都正常；蘿蔔牛腩滾住上枱，牛腩軟冧，唯獨蘿白上菜時仍然係白色，亦未入味，可能可以煲長少少；主角臘腸鷄煲大約十五分鐘後個煲冒住煙咁上，梗係開心喇；特備長鐵匙俾客抓飯焦，啲飯焦脆卜卜，數得出八件有骨鷄件，兩截臘腸，大人細路都食得開心；可惜煲飯只有臘腸既香，但食落冇乜應有既油感，不過行商場既家常便飯係ok 既。