影片
更多
2022-12-13
5079 瀏覽
餐廳：阿元來了 (觀塘)地址：觀塘鴻圖道28號地下後座繼2021年之後，阿元來了 @yuanishere 西環店喺2022年再度登上米芝蓮香港必比登推介餐廳之一🏅，不過西環對我嚟講實在有啲遠，所以就去咗觀塘呢間第二分店由台灣人阿元經營嘅台式餐廳——阿元來了喺2015年開到香港，務求將台灣原味道帶過嚟，除咗有台灣廚師坐陣之外🧑🏻🍳，有好一部分嘅食材、配料都喺由台灣直送過嚟🇹🇼中午時間餐廳相當爆棚，唔少觀塘工業區嘅打工仔都過嚟食飯或者叫外賣。一入到餐廳就見到充滿懷舊台灣味道嘅裝修：戲院、車站🚏、廣告、品牌、夜市等，成為店舖一大特色，吸引咗唔少人專程嚟打卡📸✝️蚵仔大腸麵線 $40蚵仔麵線喺我其中一樣最掛住嘅台灣食物，除咗蚵仔，當中仲加入咗大腸、筍絲、芫荽。我覺得最好食喺似足芡汁質感嘅湯底，喺咪好有碗仔翅嘅感覺呢😎✝️爆蛋雞肉飯 $43將爆黃嘅太陽蛋放喺醃製咗嘅手撕雞肉、梅菜、白飯上面，加上少少秘製嘅醬汁，簡單而好味😋，雞肉嘅份量唔少，一絲絲無骨又無脂肪，啱晒我呢啲為食嘅懶人😆✝️玉米肉鬆蛋餅 $37蛋餅有7款選擇，其中肉鬆同埋蛋餅皮都喺台灣直送，叫咗呢個以肉鬆同粟米做餡料嘅蛋餅，肉鬆鬆脆香口，
地址：觀塘鴻圖道28號地下後座
繼2021年之後，阿元來了 @yuanishere 西環店喺2022年再度登上米芝蓮香港必比登推介餐廳之一🏅，不過西環對我嚟講實在有啲遠，所以就去咗觀塘呢間第二分店
由台灣人阿元經營嘅台式餐廳——阿元來了喺2015年開到香港，務求將台灣原味道帶過嚟，除咗有台灣廚師坐陣之外🧑🏻🍳，有好一部分嘅食材、配料都喺由台灣直送過嚟🇹🇼
中午時間餐廳相當爆棚，唔少觀塘工業區嘅打工仔都過嚟食飯或者叫外賣。一入到餐廳就見到充滿懷舊台灣味道嘅裝修：戲院、車站🚏、廣告、品牌、夜市等，成為店舖一大特色，吸引咗唔少人專程嚟打卡📸
✝️蚵仔大腸麵線 $40
蚵仔麵線喺我其中一樣最掛住嘅台灣食物，
除咗蚵仔，當中仲加入咗大腸、筍絲、芫荽。我覺得最好食喺似足芡汁質感嘅湯底，喺咪好有碗仔翅嘅感覺呢😎
✝️爆蛋雞肉飯 $43
將爆黃嘅太陽蛋放喺醃製咗嘅手撕雞肉、梅菜、白飯上面，加上少少秘製嘅醬汁，簡單而好味😋，
雞肉嘅份量唔少，一絲絲無骨又無脂肪，啱晒我呢啲為食嘅懶人😆
✝️玉米肉鬆蛋餅 $37
蛋餅有7款選擇，其中肉鬆同埋蛋餅皮都喺台灣直送，叫咗呢個以肉鬆同粟米做餡料嘅蛋餅，肉鬆鬆脆香口，加埋粒粒爽脆多汁嘅粟米🌽，豐富咗成個蛋餅嘅口感⬆️，當然唔少得台灣醬油膏同埋辣醬嘅加持，令到成個蛋餅更加滋味🤩
阿元仲將台北南勢角夜市嘅大伯紅豆餅、車輪餅帶到過嚟，有12款唔同嘅鹹甜口味俾你揀，而且即叫即做，拎上手仲喺熱辣辣，加上買三送一，吸引咗唔少人喺咁凍嘅天氣買返幾個嚟食。今次叫咗奧利奧咖啡餅($12)同洋葱起司培根餅($13)，
睇吓成塊Oreo刻印咗喺車輪餅之間，打開有湧流出嚟嘅濃郁咖啡漿，甜絲絲非常好味👍；後者就以流心芝士同鹹香煙肉、爽口洋蔥粒做配搭，同樣令人食唔停口🤤
最後緊喺唔少得叫返個九份芋圓($33)作為呢餐台灣菜嘅圓滿結束，除咗有QQ彈牙嘅芋圓，仲有涼粉、珍珠同紅豆🫘，而且喺暖笠笠版，依家咁凍嘅天氣食一流。
飲品叫咗杯加咗椰果呀皇室奶茶($26)同加咗胚芽嘅招牌珍珠奶茶($31)，好想去台灣啊😍張貼
