十字冰室 (禮頓道)

營業中

休息中

十字奶好有天主教的歷史。喺好耐之前，神樂園嘅神父，喺屯門嗰度養牛，供應奶，為十字奶。後來佢將呢個十字奶嘅品牌賣咗畀一間集團，之後呢間集團就將呢個牌子發揚光大。後來集團想再推廣十字奶，就開咗幾間茶餐廳，叫做十字冰室。餐廳呢，入到去都有見到一個雪櫃，裝住好多十字奶呀。十字奶呢，其實係我細個嘅時候，好鍾意飲的牛奶。不過，因為窮，所以呢每次都會即係飲平啲嘅維記牛奶或者牛奶公司嘅牛奶。只係間唔中一兩次先會有十字牛奶嘅，所以今次嚟到十字冰室呢，我想試下啲十字奶整嘅食物。呢個十字奶煮㗎喇沙，我覺得呢個喇沙都幾濃烈嘅，好甜。第一次食一個咁甜嘅喇沙。奶茶茶走都沖得好香。西多同埋雞扒飯都唔錯。星期日，喺銅鑼灣搵到一間茶餐廳，可以坐下休息下，揭下，真係唔錯。係疫症期間一個好愉快嘅事情。可以疫倩快啲過去。