麻辣派對 (金百利廣場) (已結業)

閨蜜👭約會好地方之另類港女下午茶～～～放假相約好閨蜜吃下午茶 我地兩個都係奇怪嘅女仔 唔中意去酒店食靚靚high tea 反而中意食d食得爽嘅野 唔使斯文 最緊要好食 例如酸菜魚咁～～～呢間出名食酸菜魚水煮魚嘅鋪頭 一直都係閨蜜嘅最愛 今次佢生日由佢發辦 最後佢叫咗金牌水晶粉同酸菜魚🐟～～～金牌水晶粉：條條都煙韌彈牙 望落好晶瑩 辣度可以自選 我地就揀咗bb辣 bb辣食落酸度會較高 如果鍾意冇咁酸就可以叫辣d 另外裏面仲有好多配料 例如有 肉碎 榨菜 香蔥 花生等等 超級惹味 尤其係花生🥜 真心香到不得了 為整個粉變得更為出色 完全令人食唔停口～～～酸菜魚：佢哋有幾種魚可以揀 我哋就揀咗最平嘅個種 之前食過曬咁多種 感覺上味道分別唔大不過最貴嘅桂花魚確實會在滑少少 酸菜魚嘅魚份量非常多 而且完全唔會好薄切 非常足料 裡面嘅芽菜 酸菜 魔芋 亦非常美味 我哋兩個人食 食唔到太多 如果大家多啲人食嘅話 可以加埋佢哋嘅其他配料 款款都係廿零三十蚊左右 好抵食～～～除咗食物質素之外 整體餐廳嘅環境都幾舒服 暗暗地 但係好多彩色嘅燈光 好特別 而且服務員嘅服務態度亦都好好 仲有綠豆沙糖水送