White Hse. (已結業)

之前同朋友去左銅鑼灣搵edan 應援打卡，順便去左呢間bookmark 左好耐嘅花花cafe，疫情關係食客不多，可以瘋狂自拍😆有好幾個打卡位，除左花花牆之外，假天花都有心機的裝飾，好適合同朋友打卡聚餐。💜紫醉金迷 ✨～呢個大蝦藍青口紫椰菜忌廉汁意大利飯，絕對的igable!!! 賣相100分，一碟意大利飯竟然可以咁華麗，超大隻大蝦，肉質彈牙，清酒煮藍青口唔腥冇渣，粉紫色意大利飯係紫椰菜同忌廉，表面裝飾了好多靚靚鮮花，不過最吸睛都係啲金箔🤩味道方面意飯有蔬菜味同蒜香味，口感偏軟，個人認為加啲芝士會更好食。💛凍蝶豆花绿茶（不能少冰）✨～食紫色意大利飯配番杯紫色飲品襯番先，蝶豆花茶本身係藍色，加啲檸檬汁就會變紫色，深紫色蝶豆花茶做底，加埋清香茉莉花茶，靚靚漸層，微甜，易入口。🤍WHITE HSE COOKIE CUP ✨～聖誕限定打卡飲品，曲奇杯加鮮奶，一心諗住得個樣，但佢個曲奇杯意外地好食，好有薑味，聖誕特飲配薑餅好有feel!!💚泰式香葉煙肉辣炒蝴蝶粉✨～有花花做裝飾🌼，雖然好有鑊氣，少少辣，好惹味，好食到有陣泰式香葉味，蝴蝶粉軟硬適中。