宮崎肉本舖 (已結業)

做野經開銅鑼灣，見有啲時間，去食個日式燒肉lunch，冇諗過$98都可以食到A5和牛。呢間宮崎肉本舖本身做開高質燒肉放題，宜家係閒日做緊一個新午市套餐，$98就有A5和牛套餐。餐廳係6樓，窗外對正維園，風景比夜晚更好。激安燒肉定食包含味噌鮮魚湯、茶碗蒸、前菜、飯、A5和牛後腿肉2片、雞腿肉/黑豚五花腩3片、甜品。雖然係特價餐，但係一啲都唔hea。肉類保持到品質之餘，其他例如湯、前菜全部都好精緻好食，而且好足料。最後甜品係柚子雪粑，幫你清一清個口腔。