影片
更多
2020-03-27
507 瀏覽
之前已經去過佢哋其他分店嗰度食。對於我來講佢哋嘅手做意粉真係城中最好食。而且平日午餐價錢絕對唔算貴。$158已經包左頭盤主菜同埋甜品。頭盤我通常都會揀呢一個芝士車厘茄。二另外一個揀咗嘅頭盤係吞拿魚醬小牛肉，唔好睇佢個樣咁肉酸但係其實內裏有乾坤嫁！完全估唔到原來吞拿魚醬同燒牛肉可以咁夾嘅。而佢哋嘅主菜今次就揀咗千層麵同埋羊肉意粉。相比之下千層麵反而有啲失色因為佢唔係一般嘅蕃茄醬千層麵，而係西西里風既做法。當然不得不提嘅就係佢哋最出名嘅Tiramisu啦！濃濃嘅蛋香同埋咖啡香味真係次次黎食都會想外賣多一個返去呀！
張貼