一杯屋 (已結業)

同閏蜜好耐無見，就約出黎行街食飯，最主要係傾下心事抒發下👭 行到咁上下就去食野，但因為我地都唔係太肚餓所以只係叫左啲小食同飲品，因為重點係傾計嘛;) 我地叫左八爪魚丸子、玉子卷、餃子雞翼同燒雞皮餃子🥟老實講餃子我食得多，餃子雞翼同燒雞皮餃子就真係無食過 見個名咁得意，一於試下啦！燒雞皮餃子又真心出色！如果鍾意食雞皮就千其唔好錯過喇，依度嘅雞皮煎得又香又脆，加埋餃子嘅組合竟然出奇地夾，而且又幾好食，外脆內軟！玉子卷同小丸子都好好食！食小丸子最緊要超多醬汁同有紫菜，依點係滿意嘅 佢賣相同味道都一樣出色！一杯屋仲有好多飲品同酒水選擇，岩哂黎依度邊食邊傾計啦👍🏼