西樹泡芙 (MOSTown新港城中心(4期))

營業中

休息中

行經商場見間「西樹泡芙」，雪櫃有多款泡芙整齊排列出，見到都好開心，又有幾款夏季推薦，ㄧ於買幾件回家食。烏龍荔枝泡芙鬆軟的泡芙爽有烏龍茶味的吉士，加上爽口清甜荔枝，還併入有淡淡烏龍茶的啫喱粒，口感多元化，味道又清新，係夏季的不二之選。奇異果乳酪泡芙這款味道酸酸甜甜，乳酪食下比較輕型，加上新鮮的奇異果，感覺零負擔。蘋果金寶泡芙用焦糖和玉桂粉煮過的蘋果粒，香香甜甜，舖在脆皮朱古力泡芙上，真係十分夾。濃朱古力曲奇泡芙泡芙外層鋪滿了濃濃朱古力曲奇，十分鬆脆可口，內層釀入了奶香甜蜜的吉士忌廉，濃淡適中，就係好食到停唔到口。