好到底麵家

營業中

休息中

因為第一次唔係叫出名嘅，冇試到名物，所以再嚟會一會。當時係純粹路過(冇做 research)肚餓嚟食，叫咗自己想食嘅伊麵，但過程發現客人多數叫蝦子麵。環境: 中意懷舊(如我)，必推。視覺: 今次食雲吞水餃蝦子撈麵，碟麵一嚟到，好有驚喜，從未見咁多蝦子，多到遮晒個麵咁，好犀利。好少見雲吞同水餃形狀同皮料咁似，可能想做到駌鴦嘅感覺吧，2款雖然冇漲爆嘅大粒，但一致性都係特色。湯上葱花嘅都好足。味覺: 麵好彈好爽，冇鹼水味，滿滿嘅蝦子令香味提升咗。我食食下將D湯加落麵度，oh no，D蝦子被水沖去，由「痴」住D麵變成「痴」住D水，浪費了。雲吞足料，水餃皮薄亦足料。overall 有D重味，所以加支樽裝汽水 balance 一下。