影片
更多
2024-07-26
212 瀏覽
同朋友去開觀塘參加workshop,玩完之後見到開源道有間新開日本餐廳，睇到餐單價錢都幾經濟實惠，於是今晚就同朋友試下呢間餐廳🥢沙律菜幾新鮮，拌勻沙律醋，酸酸地幾開胃燒鱈魚干 鱈魚干燒得乾身脆口，好似食緊魚味薯片咁😆蘸埋沙律醬更加惹味豚肉火鍋火鍋份量幾足料，豚肉片肥瘦相間，肉質爽口，鍋式用壽喜燒汁烹煮，味道香甜，加入生雞蛋入湯汁更添蛋香🐥 鍋中更有高麗菜、洋蔥絲、紅蘿蔔、冬菇同豆腐，蔬菜索晒湯汁嘅肉香，加埋碗白飯就完美😆燒北海道花魚 花魚燒得金黃均勻，魚肉好入味唔會腥，肉質比較彈牙紮實，魚皮燒得香脆，滴少少檸檬汁更清新茶碗蒸蛋中有冬菇片、蟹柳同日式魚蛋，口感順滑，味道清甜雜錦天婦羅 天婦羅新鮮炸起熱辣辣，炸衣薄身酥脆，蝦肉彈牙，南瓜同蕃薯片香甜，冬菇爽口，幾款都炸得出色
同朋友去開觀塘參加workshop,玩完之後見到開源道有間新開日本餐廳，睇到餐單價錢都幾經濟實惠，於是今晚就同朋友試下呢間餐廳🥢
沙律菜幾新鮮，拌勻沙律醋，酸酸地幾開胃
燒鱈魚干
鱈魚干燒得乾身脆口，好似食緊魚味薯片咁😆蘸埋沙律醬更加惹味
豚肉火鍋
火鍋份量幾足料，豚肉片肥瘦相間，肉質爽口，鍋式用壽喜燒汁烹煮，味道香甜，加入生雞蛋入湯汁更添蛋香🐥 鍋中更有高麗菜、洋蔥絲、紅蘿蔔、冬菇同豆腐，蔬菜索晒湯汁嘅肉香，加埋碗白飯就完美😆
燒北海道花魚
花魚燒得金黃均勻，魚肉好入味唔會腥，肉質比較彈牙紮實，魚皮燒得香脆，滴少少檸檬汁更清新
茶碗蒸
蛋中有冬菇片、蟹柳同日式魚蛋，口感順滑，味道清甜
雜錦天婦羅
天婦羅新鮮炸起熱辣辣，炸衣薄身酥脆，蝦肉彈牙，南瓜同蕃薯片香甜，冬菇爽口，幾款都炸得出色
張貼
