Wingman (已結業)

依間雞翼放題真係超級正，雞翼唔單止好食，而且選擇好多，價錢亦都非常之相宜。如果星期三嚟嘅話，最平可以$5食到一隻雞翼而我就普通咁叫咗一個十款嘅雞翼放題($188)，仲包無限嘅罐裝飲品，如果想飲檸檬茶嘅話就要額外加$10當中我最鍾意食嘅，就係佢嘅死神醬雞翼啦，因為佢辣得非常之滋味，可以感受到麻辣嘅感覺，真係好爽！其次係佢嘅田園風味，鹹鹹地又有啲蔥，都幾香下至於其他燒烤味都唔錯，而水牛城雞翼就個人就覺得偏酸。如果再想食多啲唔同款式嘅話，可以加多少少錢，升級其他plan。而且呢一間餐廳仲會提供紙巾，濕紙巾同埋手套，等你可以食得非常之盡興。