唐宮小聚 (荃新天地)

營業中

休息中

一個月前訂枱食冬至飯，三個人點咗9個餸，其實之前都巳經光顧過沙田分店好多次，今次第一次去荃灣分店。店內裝修好企理，坐位舒適，尤其要讚員工有禮貌，一見枱面有吉碟就立即收走，反應好快。我今次點左三隻乳鴿，沙薑豬手，花雕醉雞，脆蝦多士，意大利黑醋金目鱸，乾燒大蝦，冰鎮咕咾，大肚婆炒飯，臘味煲仔飯。想講吓食物質素，冰鎮咕咾有驚喜，肉質又脆又多汁，沙薑豬手切到细细粒容易入口，味道都吾錯，醉雞就略嫌太淋冇乜咬口，蝦多士覺得入口太油，不太喜歡，大肚婆炒飯炒得好乾身，粒粒分明，其他食物都可以。