海岸扒房 (裝修中)

見男朋友同佢媽咪都生日，就一早book左位，帶左佢地過嚟扒房食生日飯，但原來都唔full，現場都唔太多人，餐廳座位闊落坐得幾舒服，仲面向泳池方向，觀景不錯，一坐低，侍應就會拎啲麵包作前菜比你食住先，麵包質素普通，可以不吃。今次order左一份牛扒、羊架、烤三文魚、配菜方面都係配粗薯條及時蔬，仲有order了龍蝦意粉，份量足夠三人食。牛扒、烤三文魚、龍蝦意粉味道正常發揮，不過不失，牛扒並無傳說中咁多肉汁咁好味，至於羊架反而有驚喜，無好大陣羊肉羶味，可以一試。