麥當勞

營業中

休息中

打工仔嘅我其實成日都幫襯茶餐廳，但係今日上班有少少趕，又要買早餐比阿女食，就幫襯下久違了的Mcdonald😊，貪佢夠快呀嘛😆！💪🏻抗疫日常💪🏻繼續外賣自取，今日叫咗早餐嘅開心樂園餐，等亞女開心下先，兒童餐有豬骨湯底 蛋通粉、薯餅 同埋一杯細橙汁，麥當勞嘅蛋一向都係用機整，所以見到佢個形狀非常之圓，阿女仲好好奇，問我點煎得咁圓🤣，今日略嫌佢個豬骨湯底有少少濃味，下次都係叫返雞湯會比較適合小朋友，而薯餅就好香好脆，攞返嚟仲係熱辣辣嘅，應該係啱啱炸好👍阿女真係好幸運❤️！我就叫咗熱香餅餐，個餐有一個薯餅、豬柳 同埋細橙汁，我個熱香餅就唔夠熱喇，不過佢今期有配花生醬，好有港式feel，好食！阿女見到花生醬就雙眼發光，仲偷咗我一舊嚟食添😁整體來講作為一個早餐，係幾好食嘅，下次都會繼續幫襯！