嘉發小食

營業中

休息中

第一次試呢間雞蛋仔，就揀咗開心果口味，一底40蚊，落單即整，大概等十分鐘，熱騰騰拎上手打咗個卡就開始食，同我想像唔同，我以為會係雞蛋仔入面包住流質嘅開心果醬溶溶地再有好多開心果粒。現實係佢係開心果醬外露喺外面，受熱後硬化咗，雖然開心果粒係多嘅，差唔多每粒波都有半粒或原粒開心果喺入面，但因為果漿已完全硬化，食落好乾，同埋係有蛋香、冇開心果香，有少少失望，見佢有開心果夾餅，勁多醬，下次有機會再試下先，希望會改觀⋯⋯早知去返千色買開心果鮮奶飲啦