影片
更多
2022-11-19
55 瀏覽
一大班人食嘢，最岩唔係吃Buffet，而係吔Pizza。大家用手拎起一件又一件的薄餅，大大口齒落去，真正既開心時刻。是夜同幾位朋友去食Pizza，當然唔係去某大連鎖店，目的地係荔枝角D2 Place二期新開的The Pizza Pig。店名叫得做The Pizza Pig，除左薄餅之外，另一主角自然是豬，所以是晚都柯打左一系列豬既菜色。先吃點小食作熱身，燒大蝦沙律，蝦是堅燒至香口彈牙，加埋沙律菜、芒果粒、牛油果粒等等，色彩配搭都靚。餐牌上看見有肉丸，不其然想起某傢俬店的出品，這裡就多一份芝士香。牛既斧頭扒食得多，豬斧頭扒卻甚少吃，但既然呢度係以豬做主打，又不妨一試。份量肯定唔嘢少，而且仲係厚身到一個點。以為咁厚身既豬扒實會好嚡口，吃起來還是可以，尤其近骨位必更精彩。味道方面，用了像辣肉腸的汁醬來調味，是有一定辣勁的，怕辣的朋友要留意。豬手就好讚！同樣係有番咁上下份量，做到皮脆肉嫩，香口好食。旁邊的酸椰菜對某些朋友來說可有可無，不過我覺得吃德國咸豬手，酸椰菜是必須要的。接著來，店員拿來兩個罐，無錯！主角的Pizza要登場了。30吋的薄餅，端上桌時又確實幾震撼既。可以揀兩款口味，我哋食既，
一大班人食嘢，最岩唔係吃Buffet，而係吔Pizza。大家用手拎起一件又一件的薄餅，大大口齒落去，真正既開心時刻。是夜同幾位朋友去食Pizza，當然唔係去某大連鎖店，目的地係荔枝角D2 Place二期新開的The Pizza Pig。
店名叫得做The Pizza Pig，除左薄餅之外，另一主角自然是豬，所以是晚都柯打左一系列豬既菜色。
先吃點小食作熱身，燒大蝦沙律，蝦是堅燒至香口彈牙，加埋沙律菜、芒果粒、牛油果粒等等，色彩配搭都靚。
餐牌上看見有肉丸，不其然想起某傢俬店的出品，這裡就多一份芝士香。
牛既斧頭扒食得多，豬斧頭扒卻甚少吃，但既然呢度係以豬做主打，又不妨一試。份量肯定唔嘢少，而且仲係厚身到一個點。以為咁厚身既豬扒實會好嚡口，吃起來還是可以，尤其近骨位必更精彩。味道方面，用了像辣肉腸的汁醬來調味，是有一定辣勁的，怕辣的朋友要留意。
豬手就好讚！同樣係有番咁上下份量，做到皮脆肉嫩，香口好食。旁邊的酸椰菜對某些朋友來說可有可無，不過我覺得吃德國咸豬手，酸椰菜是必須要的。
接著來，店員拿來兩個罐，無錯！主角的Pizza要登場了。30吋的薄餅，端上桌時又確實幾震撼既。可以揀兩款口味，我哋食既，係招牌既鬼馬豬意，與及什菇芝士。燈色呢邊係豬，味道不俗，亮點是加入了脆卜卜的炸豬皮。另一款大概是為素食者而設，各式菇菌以及羽衣甘藍，味道沒想像中的寡。
提拉米蘇濕潤，不失咖啡酒香，是我喜歡的味道。
提拉米蘇以外，店員還極力推介呢款Banana Nutella Pizza。份量比想像中要大一些，香蕉與朱古力的組合肯定穩陣，整多球雪糕係面，甜的披薩甚至比咸的更吸引。
張貼
