影片
更多
2019-07-26
1683 瀏覽
成班姊妹叫外賣做宅女開心之餘都唔想食勁heavy。搵到個好好既選擇。六個人一人一個撈檬，再加啲小食。除番開每個人百六蚊，仲食淨少少野。加上撈檬本身凍食，就算有人遲到都唔驚凍哂。不過最唔抵係外賣盒，三蚊個都偏貴，不過我都明用外賣盒係好唔環保。擺到成枱都係，加上佢食物既樣又幾靚，睇到好開心！我個人試左以下幾樣野：會安軟殼蟹卷 - 一向都係米紙卷既粉絲，而佢整得幾好既，料夠多，而米紙都包得好穩陣。越南蜜柚燒大蝦沙律 - 柚好甜，又有啲越南香草，係成晚我最鍾意既餸菜，都推介俾健康人士！燒蝦撈檬 - 又係燒蝦！因為蝦低脂肪高蛋白，係做gym人士既佳品。加上呢間個蝦都大，亦唔會燒到乾哂。佢撈檬份量大，好夠飽肚。芥蘭苗同蒜子炒通菜 - 兩樣都係為健康而叫，不過不失。
搵到個好好既選擇。
六個人一人一個撈檬，再加啲小食。
除番開每個人百六蚊，仲食淨少少野。
加上撈檬本身凍食，就算有人遲到都唔驚凍哂。
不過最唔抵係外賣盒，三蚊個都偏貴，不過我都明用外賣盒係好唔環保。
擺到成枱都係，加上佢食物既樣又幾靚，睇到好開心！
我個人試左以下幾樣野：
會安軟殼蟹卷 - 一向都係米紙卷既粉絲，而佢整得幾好既，料夠多，而米紙都包得好穩陣。
越南蜜柚燒大蝦沙律 - 柚好甜，又有啲越南香草，係成晚我最鍾意既餸菜，都推介俾健康人士！
燒蝦撈檬 - 又係燒蝦！因為蝦低脂肪高蛋白，係做gym人士既佳品。加上呢間個蝦都大，亦唔會燒到乾哂。佢撈檬份量大，好夠飽肚。
芥蘭苗同蒜子炒通菜 - 兩樣都係為健康而叫，不過不失。
張貼
