新潮發海鮮菜館

營業中

休息中

之前幾日假期入咗長洲一日遊，向左行張保仔洞食咗糯米糍同長洲大魚旦，去到夜晚梗係唔少得試吓長洲嘅海鮮菜館！見到海邊都有好多間唔同嘅餐廳，見到個價錢都係差唔多，我哋四個人就叫六款餸嘅套餐，仲送多個菜😌豉椒炒聖子見到佢哋都推介依度餸，我哋都揀咗豉椒炒蟶子，因為覺得炒會比較惹味，黎到嘅時候顏色同埋味道都非常吸引，聞到好香的豉椒味，而且聖子嘅份量都好多！蒜蓉蒸開邊蝦海鮮吾可以小左蝦，開邊蝦就岩曬我依啲懶人，方便又夠入味🤤仲要加上滿滿的蒜蓉，仲有入曬味的粉絲👍🏻非常推薦！椒鹽鮮魷小炒必點就係椒鹽鮮魷，佢哋落咗椒鹽粉令到炸鮮魷更加香同惹味，炸魷魚都好靚火，外皮香脆可口，入面魷魚都好鮮甜，又夠彈口❤️蠔仔煎蛋蠔仔煎蛋亦都係食小炒經常見到嘅一道餸，我哋今次叫你蠔仔煎蛋非常大份，煎蛋嘅調味都好足夠，佢哋嘅號份量都好多同埋食物都幾肥美🤭菠蘿生炒骨菠蘿生炒骨就係送飯嘅絕配，叫咗生炒骨真係食多碗飯都可以，佢哋除咗菠蘿都仲有三食椒，生炒骨都非常入味，酸酸甜甜好開胃👍🏻👍🏻椒鹽九肚魚之前對九肚魚嘅印象就係好多骨，但今次佢哋嘅椒鹽九肚魚整得好好味😋而且唔會有好多碎骨。