餃子冰室

營業中

休息中

星期日週末去咗長洲當旅行 揀咗間食餃子嘅， 嗰日三點鐘入到去都有唔少空位，坐得都幾舒服。我地叫咗三種分別係白土匪雞肉餃印第安餃同埋麻香白雲雞中翼。 首先講下個土匪雞肉餃先， 咬落去第一下佢啲肉汁爆曬出嚟好彩有個碟仔如果唔係食到周圍都係，同埋入面d肉都好香口， 但係我覺得佢唔似土匪雞翼。而關於個印第安餃我就係覺得佢係一個辣版嘅土匪雞肉餃， 如果下次再嚟嘅話我會揀印第安餃， 不過佢嘅肉汁就冇土匪雞肉咁多。椰子個白雲雞中翼就正正常常冇特別有驚喜，不過作為小食都唔錯🤣嗰日唔記得嗌佢鎮店名物鹹蛋黃黃金餃，下次再嚟嘅話要試下。