鳥海山鐵板燒 (已搬遷) 新店位置

等咗咁耐終於通關，梗係要馬路安排一次去日本嘅旅行啦！未出發之前，喺香港兌換定少少一樣都係好緊要嘅。呢一日就趁日元低水同女朋友去咗深水埗兌啲錢，之後就上openrice 搵下附近有咩好食！女朋友話想食日本嘢，我哋就search到呢一間位於長沙灣昌華街嘅日式鐵板燒「鳥海山」評價幾高，就決定去試吓啦！餐廳嘅門面唔算好大，亦都唔可以喺大街上面，所以算係一間比較隱世嘅小店。不過睇得出呢間小店啲細節位做得好足：裝修精緻舒服、店員服務殷勤、負責鐵板燒嘅師傅功架十足！餐牌單點食物選擇亦頗多，但由於當日係我同女朋友嘅紀念日，所以決定豪少少叫個龍蝦鐵板燒套餐。前菜嘅沙律菜分量剛好，菜好新鮮！比目魚油份充足，廚師燒得金黃色，非常吸引！主角龍蝦一上到來已經香氣撲鼻，肉質彈牙、鮮甜，配合埋個醬汁真係一流！由於女朋友話肚仔唔係太舒服，所以我地將刺身改做豚肉生姜燒。啲豚肉好有肉味，洋蔥好juicy！和牛薄燒係另一道我好期待嘅食物，雖然和牛嘅口感好好，不過我略嫌入面包住嘅炸蒜太多，蓋過左啲牛香…不過純粹我個人唔太喜歡食蒜啦，女朋友就覺得好好味炒飯粒粒分明，櫻花蝦嘅鮮味好出，正！鐵板野菜炒得好香，如果分量再多啲就好啦！