鳥海山鐵板燒 (已搬遷) 新店位置

同個同事喺長沙灣做完嘢 諗住喺附近食埋飯先返屋企 行過見到間靚靚地嘅日本料理 見到價錢都唔係好貴 一個鉄板餐都係百零蚊 仲要有埋刺身 一於試一試佢 我地嗌左個鉄板餐 由於無卜位 所以無得坐bar枱🥲梅刺身有三款唔同嘅鯛魚另外仲有文魚同拖羅侍應攞黎嘅時候都有細心介紹食嘅先後次序燒雞扒上碟嘅時候已經預先切好一口size 一啖一舊 仲有啲撈左炸蒜嘅醬汁 都幾惹味燒油甘魚鮫因為無哂魷魚筒 所以改左油甘魚鮫 外層燒得都幾香 入邊嘅肉質仍然好嫩滑 點埋個醬汁就更鮮味牛肉薄燒一片薄薄嘅牛肉 中間包住大量嘅蔥 鍾意食蔥嘅朋友一定會覺得一舊太少要encore煙肉炒飯啲飯炒得都幾乾身 粒粒飯都均勻地被蛋包住 金黃色 咬落每粒飯都煙煙韌韌 中間夾雜住少少櫻花蝦 整體都唔錯