鳥海山鐵板燒 (已搬遷) 新店位置

今日約左個fd食飯，揀左呢間門面設計簡單，好日本風嘅鐵板燒餐廳。叫咗個龍蝦餐，有時令魚生，比目魚扒，沙津，龍蝦，野菜，牛肉燒，同味增湯同炒飯。2個女仔夠哂食。想就讚下果到既職員，食時令魚生果陣佢會每樣介紹，仲提我地食既先後次序，由淡味既魚刺生食先去到濃味既刺生。重點想講下龍蝦餐個主角龍蝦😂超夠大隻而且好新鮮，淡淡肉，佢哋仲會用反蝦頭既膏煮反，令到成個味好豐富同濃郁👍🏻牛肉燒就岩哂重口味人士，超嫩口牛肉片包住蔥同埋炸蒜，得四舊唔夠喉！！！食食下見到隔離枱叫左同一個餐既進化板仲有鵝肝同鮑魚，雖然冇得放落口，望到聞到已經垂涎三尺，下次再黎我唔諗 食鳥海山鐵板餐 又有龍蝦鮑魚鵝肝😋。