新沙洞澡堂 (已結業)

之前試過呢一間喺元朗嘅韓式大排檔主題分店, 今次嚟到長沙灣, 舖頭以韓式澡堂做主題, 一入門口果幾張枱好似喺個大型浴池入面咁好得意店員安排咗入面坐得好舒服嘅位置, 裝修相對型格風～ 叫咗個鐵板濟洲黑毛豬, 燒香咗嘅豬肉肉質爽嫩, 加配咗生菜籃同醬汁蒜片嚟食好滿足! 醬油蟹膏蟹肉飯味香口感唔錯, 食完一啖又一啖～ 小食拼盤入面推介腸仔年糕串、蕃薯芝士條👍🏻仲有甜品可以叫, 試埋佢嘅croffle, 焦糖布丁面配牛角包窩夫, 完滿充滿韓系感嘅晚餐!