影片
2024-11-20
332 瀏覽
榴槤黑糯米睇隔離檯以為好細碗，點知份量其實一啲都唔細，仲要有好多榴槤肉！下面仲有榴槤雪糕，但感覺好似每一啖都有榴槤肉咁，對榴槤愛好者嚟講簡直幸福！！佢下面有黑糯米，煮得好糯，而且只係會有淡淡嘅甜味，配住濃味嘅榴槤食簡直絕配！鮮雜果水晶珠佢個鮮雜果同樣無令我失望，有好多款唔同嘅生果，而且全部都好新鮮好清甜。另外想講佢個水晶珠好特別，原本以為佢係西米嘅另一個叫法，但估唔到口感完全唔同。水晶珠個口感係食落好爽脆，有少少似嗰啲爆汁珍珠個皮咁，但入面係實心嘅，真係好特別~杏仁茶燉蛋白一直都好中意飲杏仁茶，嚟到梗係要試下！佢個杏仁茶都做得好出色，唔怪之得係人氣top 2嘅甜品～ 佢個杏仁味好香濃，唔會好似齋糖水咁，而個蛋白都好滑，而且係有淡淡嘅甜味，同時又有少少蛋香，配埋杏仁茶一齊食都唔會覺得得個甜字原味雙皮奶其實椰汁雙皮奶係top 3，不過如果整得好，原味都已經好好好好食～ 佢咧度嘅雙皮奶就做得唔錯，唔會燉得過老，口感超級嫰滑，而且甜味剛好。試過有啲燉雙皮奶太甜，完全食唔出奶香味，但佢咧個就好適中，除咗清清哋嘅甜味，仲好香奶味~P.S.咧間甜品舖勁多人食要排隊，建議如果之後有節目唔好預太少時間去
睇隔離檯以為好細碗，點知份量其實一啲都唔細，仲要有好多榴槤肉！下面仲有榴槤雪糕，但感覺好似每一啖都有榴槤肉咁，對榴槤愛好者嚟講簡直幸福！！佢下面有黑糯米，煮得好糯，而且只係會有淡淡嘅甜味，配住濃味嘅榴槤食簡直絕配！
鮮雜果水晶珠
佢個鮮雜果同樣無令我失望，有好多款唔同嘅生果，而且全部都好新鮮好清甜。另外想講佢個水晶珠好特別，原本以為佢係西米嘅另一個叫法，但估唔到口感完全唔同。水晶珠個口感係食落好爽脆，有少少似嗰啲爆汁珍珠個皮咁，但入面係實心嘅，真係好特別~
杏仁茶燉蛋白
一直都好中意飲杏仁茶，嚟到梗係要試下！佢個杏仁茶都做得好出色，唔怪之得係人氣top 2嘅甜品～ 佢個杏仁味好香濃，唔會好似齋糖水咁，而個蛋白都好滑，而且係有淡淡嘅甜味，同時又有少少蛋香，配埋杏仁茶一齊食都唔會覺得得個甜字
原味雙皮奶
其實椰汁雙皮奶係top 3，不過如果整得好，原味都已經好好好好食～ 佢咧度嘅雙皮奶就做得唔錯，唔會燉得過老，口感超級嫰滑，而且甜味剛好。試過有啲燉雙皮奶太甜，完全食唔出奶香味，但佢咧個就好適中，除咗清清哋嘅甜味，仲好香奶味~
P.S.咧間甜品舖勁多人食要排隊，建議如果之後有節目唔好預太少時間去啊！同埋好多外國遊客，見到好幾檯日本遊客🤣🤣
張貼
