春水堂 (希慎廣場) (已結業)

好耐未寫食評，今次係真嘅對呢杯鐵觀音好失望。有賣鐵觀音嘅茶飲店唔算好多，但多數都味道唔差，至少都系有回甘都唔會好澀。希慎廣場三樓有間茶飲店，話係人文茶館，但鐵觀音唔單唔提供熱飲，仲要質素唔掂。我通常係撿無糖，可以嘗到茶本身質量和味道。本身個茶係好L苦，仲要好澀，破開杯蓋係無茶香味嘅，幾乎無咩味。茶本身有泡沫，咁就可以講，基本百分百唔系原片茶葉沖泡，咁耐個泡都未散，理論上係有可能茶粉都加咗其他野。買手搖店嘅茶就唔求係好茶葉啦，但今次真系失望咗，仲不如買樽裝水好飲。