花園餐廳 (西洋菜南街)

營業中

休息中

好耐冇食過鐵板牛扒餐，反正公司唔多嘢做， 就自己早dd放lunch， 去花園餐廳 鋸番個鐵板牛扒， 食耐少少舒服一下。叫咗個 鐵板西冷牛扒午餐 跟餐湯、咖啡或茶 $67先嚟嘅當然係餐包同餐湯，羅宋湯香香甜甜又有少少辣，唔會覺得好好飲，但係呢個味道係想像得到又係預期中嘅味道，所以唔會失望， 而且仲飲得好happy，啲回憶返曬嚟。鐵板西冷牛扒，我叫嘅係四成，但上到枱嚟嗰一件真係唔知幾多成，乜都好啦，上到枱淋個洋蔥汁落鐵板，發出嘅 吱…吱…聲 係會令到人好happy，牛扒大大塊，肉質淋得好緊要，都係嗰一句，呢個係預期中嘅味道。食完熱氣嘅鐵板牛扒，梗係要飲杯凍檸檬茶。