影片
更多
2024-01-05
34 瀏覽
位於上環嘅新開鐵板燒今次坐係吧檯位置可以睇到師傅嘅表演真係令人賞心悅目.✨澳洲鮑魚二人前 $2,680✨套餐超豐盛，食完好飽好滿足。個餐有前菜沙律、澳洲鮑魚450g、甘鯛立鱗燒、清酒煮蜆、季節海鮮(北寄貝)、美國牛肉厚燒及薄燒、炒野菜、炒飯、麵豉湯同甜品。🔸澳洲鮑魚450g鮑魚足足有成隻手掌咁大，最特別係用咗3個煮法，煮出唔同味道。首先係薄切鮑魚配海草，第二碟將鮑魚厚切，配以XO醬炒。第三碟用以西檸汁炒鮑魚邊。可以試到鮑魚味道嘅層次感，先試出鮑魚鮮味，之後配以香料帶出香氣。厚薄度嘅變化亦試到唔同口感，好有心思。🔸甘鯛立鱗燒魚鱗炸得金黃色立起，但魚嘅肉質保持嫩滑，配以海膽洋蔥汁，非常鮮甜。.🔸美國牛肉厚燒及薄燒厚燒美國牛柳用鐵板燒完後切成粒狀，配以炸蒜一齊食，好惹味。薄燒牛肉卷住炸蒜、蔥花及洋蔥蓉，非常嫩滑。🔸 北寄貝用原隻北寄貝殼燒，口感真係好彈牙，味道新鮮香甜，又唔會燒到過乾，仲保持住精華，好多汁。🔸清酒煮蜆煮法好特別，用清酒倒入錫紙兜煮蜆，蜆肉爽口滑溜，成個湯都好清甜。🔸炒飯用咗蔥花同櫻花蝦炒，面層仲鋪上荷包蛋，個炒飯粒粒分明，蛋味出。🔸炒野菜食咗肉類、海鮮，配翻個野菜食清淡一下。
今次坐係吧檯位置
可以睇到師傅嘅表演
真係令人賞心悅目
.
✨澳洲鮑魚二人前 $2,680✨
套餐超豐盛，食完好飽好滿足。個餐有前菜沙律、澳洲鮑魚450g、甘鯛立鱗燒、清酒煮蜆、季節海鮮(北寄貝)、美國牛肉厚燒及薄燒、炒野菜、炒飯、麵豉湯同甜品。
🔸澳洲鮑魚450g
鮑魚足足有成隻手掌咁大，最特別係用咗3個煮法，煮出唔同味道。首先係薄切鮑魚配海草，第二碟將鮑魚厚切，配以XO醬炒。第三碟用以西檸汁炒鮑魚邊。可以試到鮑魚味道嘅層次感，先試出鮑魚鮮味，之後配以香料帶出香氣。厚薄度嘅變化亦試到唔同口感，好有心思。
🔸甘鯛立鱗燒
魚鱗炸得金黃色立起，但魚嘅肉質保持嫩滑，配以海膽洋蔥汁，非常鮮甜。
.
🔸美國牛肉厚燒及薄燒
厚燒美國牛柳用鐵板燒完後切成粒狀，配以炸蒜一齊食，好惹味。薄燒牛肉卷住炸蒜、蔥花及洋蔥蓉，非常嫩滑。
🔸 北寄貝
用原隻北寄貝殼燒，口感真係好彈牙，味道新鮮香甜，又唔會燒到過乾，仲保持住精華，好多汁。
🔸清酒煮蜆
煮法好特別，用清酒倒入錫紙兜煮蜆，蜆肉爽口滑溜，成個湯都好清甜。
🔸炒飯
用咗蔥花同櫻花蝦炒，面層仲鋪上荷包蛋，個炒飯粒粒分明，蛋味出。
🔸炒野菜
食咗肉類、海鮮，配翻個野菜食清淡一下。
.
🔸焦糖多士配乳酸雪花冰
通常甜品都係雪糕，今次有雪花冰好有驚喜！軟綿綿，入口即溶，配以脆脆號焦糖多士，口感豐富。
張貼
