鳥海山鐵板燒 (已搬遷) 新店位置

長沙灣近年都有不少新盤落成，私人樓同公屋都有，不過大型商場就唔係太多，反而大街小巷的小鋪就比比皆是，這間「鳥海山」是食鐵板燒，距離地鐵站大概八分鐘左右。呢間店舖裝修都幾日式風，尤其牆上一些有特色嘅牆畫，不過地方唔算太大，眼見幾張枱加bar檯大概十幾二十個座位，所以最好預先訂位，再望下餐牌價錢屬於中檔價錢，不算便宜亦不算太貴。我和朋友點了刺身，當然亦叫了鐵板燒，有虎蝦、安格斯牛、比目魚。。。平目魚魚肉結實，唔係一咬即溶，反而食落有層次。兩隻大大隻嘅虎蝦很香口，蝦肉不會韌而有咬口。連蝦殼啃，蝦膏滿滿，正！比目魚煎得很香帶脆，都唔使點醬汁以已很好吃。安格斯牛，煎啱啱好，半油脂和牛肉比例剛好，不會油膩，卻有淡淡油脂香。呢個炒飯亦炒到一粒一粒很有飯香，食埋就大滿足。妙青菜，本身對蔬菜有抗拒，但呢個青菜炒得唔錯，幾爽口又夠味，食下食下清咗成碟添。整體嚟講質素唔錯，侍應服務亦很到位，跟前跟後不斷斟茶，環境整體乾淨衛生，不錯。